སི་ཁྲོན་བོད་བརྒྱུད་ནང་བསྟན་སློབ་གླིང་གི་སྐབས་གཉིས་པའི་འབྲིང་རམས་འཛིན་གྲྭའི་༼བོན་གྱི་འཛིན་གྲྭ་༽སློབ་མགོ་འཛུགས་པའི་མཛད་སྒོ་རྔ་བ་སྣང་ཞིག་དགོན་ཆེན་དུ་སྤེལ་བ།

   དེ་ཡང་སྤྱི་ལོ་༢༠༡༧ལོའི་ཟླ་བ་༣པའི་ཚེས་༢༧ཉིན་རྔ་བ་སྣང་ཞིག་དགོན་ཆེན་དུ་སི་ཁྲོན་བོད་བརྒྱུད་ནང་བསྟན་སློབ་གླིང་གི་སྐབས་གཉིས་པའི་འབྲིང་རམས་འཛིན་གྲྭའི་སློབ་མགོ་འཛུགས་པའི་མཛད་སྒོ་སྤེལ། མཛད་སྒོའི་སྟེང་ལ་སི་ཁྲོན་ཞིང་ཆེན་གྱི་ནང་བསྟན་སློབ་གླིང་གི་དབུ་ཁྲིད་དང་། རྔ་བ་ཁུལ། རྔ་བ་རྫོང་བཅས་ཀྱི་འབྲེལ་ཡོད་མི་སྣ་ཁག་དང་། དེ་བཞིན་སྣང་ཞིག་སྐྱབས་མགོན་རིན་པོ་ཆེ་དང་དགེ་རྒན་ཆེན་མོ་སྒོ་རིགས་དགེ་བཤེས་ཤེས་རབ་གྲགས་པ། རིག་གནས་དགེ་རྒན་སྤྲེའུ་བཙུན་ཀུན་བཟང་ལྷུན་གྲུབ། དཀར་མཛེས་ཁུལ་དང་རྔ་བ་ཁུལ་གྱི་རྫོང་ཁག་ནས་ཕེབས་པའི་སི་ཁྲོན་ཞིང་ཆེན་གྱི་བོད་བརྒྱུད་ནང་བསྟན་སློབ་གླིང་གི་སྐབས་གཉིས་པའི་འབྲིང་རམས་འཛིན་གྲྭའི་བོན་གྱི་སློབ་མ་སོགས་ཕེབས་ཡོད།

དགེ་རྒན་ཆེན་མོ་སྒོ་རིགས་དགེ་བཤེས་ཤེས་རབ་གྲགས་པ་ནས་དཔེ་ཁྲིད་གནང་བཞིན་པ།

རིག་གནས་དགེ་རྒན་ཆེན་མོ་སྤྲེའུ་བཙུན་དགེ་བཤེས་ཀུན་བཟང་ལྷུན་གྲུབ་ལགས་ནས་དཔེ་ཁྲིད་གནང་བཞིན་པ།
 
རྒྱ་ཡིག་དགེ་རྒན་ཚེ་རིང་དཔལ་ལྡན་ལགས་ནས་དཔེ་ཁྲིད་གནང་བཞིན་པ།

མཛད་སྒོ་ལ་བཞུགས་པའི་དབུ་ཁྲིད་ཁག་དང་དགེ་སློབ་རྣམ་པ།