སི་ཁྲོན་མི་རིགས་དཔེ་སྐྲུན་ཁང་གི་རྒྱལ་ཁབ་རིམ་པའི་ལས་གཞི།

ཀྲུང་ཧྭའི་བཀའ་བསྟན་ཆེན་མོ་ལས་གཡུང་དྲུང་བོན་གྱི་བཀའ་འགྱུར་ཆེན་མོ་ཡི་དཔེ་རྙིང་འཚོལ་བསྡུའི་ཚོགས་འདུ་འཚོགས་པ། 

དཔེ་རྙིང་འཚོལ་བསྡུའི་ཚོགས་འདུའི་ཡུལ་དངོས། 

     ༢༠༡༨ལོའི་སྤྱི་ཟླ་༡པོའི་ཚེས་༡༩ཉིན་གྱི་ཕྱི་དྲོར། སི་ཁྲོན་མི་རིགས་དཔེ་སྐྲུན་ཁང་གི་རྒྱལ་ཁབ་རིམ་པའི་ལས་གཞི།¡¶ཀྲུང་ཧྭའི་བཀའ་བསྟན་ཆེན་མོ་ལས་གཡུང་དྲུང་བོན་གྱི་བཀའ་འགྱུར་ཆེན་མོ¡·ཡི་དཔེ་རྙིང་འཚོལ་བསྡུའི་ཚོགས་འདུ་དེ་ཁྲིན་ཏུའུ་རུ་འཚོགས།

དཔེ་རྙིང་འཚོལ་བསྡུའི་ཚོགས་འདུའི་ཡུལ་དངོས།

     ཐེངས་འདིའི་ཚོགས་འདུའི་ཐོག་གཡུང་དྲུང་བོན་མཉམ་འབྲེལ་ལྷན་ཚོགས་ཀྱི་ཚོགས་གཙོ་གཞོན་པ། གཡུང་དྲུང་བོན་གྱི་བཀའ་འགྱུར་དཔེ་རྙིང་འཚོལ་བསྡུ་ཚན་ཆུང་གི་གཙོ་འགན་པ་སྣང་སྤྲུལ་ཤེས་རབ་འོད་ཟེར་རྒྱལ་མཚན་དང་། དྲུང་ཡིག་ཆེན་མོ་འགོ་བ་དགེ་བཤེས་བསྟན་འཛིན་འབྲུག་གྲགས། དྲུང་ཡིག་ཆེན་མོ་གཞོན་པ་རིན་སྤུངས་ཚུལ་བསྟན།  དྲུང་ཡིག་པ་དགེ་བཤེས་བསྟན་འཛིན་རྣམ་རྒྱལ། རྒྱུན་ལས་ལས་འཛིན་པ་བླ་མ་ཚེ་དབང་དངོས་གྲུབ། རྒྱུན་ལས་ལས་འཛིན་པ་སྤྲུལ་རིག་སྔགས་རྒྱ་མཚོ། རྒྱུན་ལས་ལས་འཛིན་པ་སྤྲུལ་བསྟན་འཛིན་རྣམ་རྒྱལ་སོགས་གཡུང་དྲུང་བོན་གྱི་བཀའ་འགྱུར་དཔེ་རྙིང་འཚོལ་བསྡུ་ཚན་ཆུང་གི་ལས་སྣེ་རྣམ་པ་དང་། སི་ཁྲོན་མི་རིགས་དཔེ་སྐྲུན་ཁང་གི་འགོ་གཙོ། སྤྱི་ཁྱབ་རྩོམ་སྒྲིག་པ་ཨ་སྔགས་ཚེ་རིང་བཀྲ་ཤིས་དང་བོད་ཡིག་དཔེ་སྐྲུན་ལྟེ་གནས་ཀྱི་ཀྲུའུ་རེན་འོད་ཟེར། དེ་བཞིན་འབྲེལ་ཡོད་རྩོམ་སྒྲིག་པ་རྣམས་བཅས་ཁྱོན་མི་གྲངས་བཅུ་དགུ་ལྷག་ཚོགས་ཞུགས་བྱས་ཡོད།

 སི་ཁྲོན་མི་རིགས་དཔེ་སྐྲུན་ཁང་གི་འགོ་གཙོ། སྤྱི་ཁྱབ་རྩོམ་སྒྲིག་པ་ཨ་སྔགས་ཚེ་རིང་བཀྲ་ཤིས་ཀྱིས་གསུང་གླེང་གནང་བཞིན་པ།

      ཚོགས་ཐོག་ཏུ་སི་ཁྲོན་མི་རིགས་དཔེ་སྐྲུན་ཁང་གི་འགོ་གཙོ། སྤྱི་ཁྱབ་རྩོམ་སྒྲིག་པ་ཨ་སྔགས་ཚེ་རིང་བཀྲ་ཤིས་ཀྱིས་བོད་ཡིག་དཔེ་སྐྲུན་ལྟེ་གནས་ཀྱི་རྩོམ་སྒྲིག་པ་རྣམས་ངོ་སྤྲོད་དང་སྦྲགས། ཐེངས་འདིའི་¡¶ཀྲུང་ཧྭའི་བཀའ་བསྟན་ཆེན་མོ་ལས་གཡུང་དྲུང་བོན་གྱི་བཀའ་འགྱུར་ཆེན་མོ¡·ཡི་དཔེ་བསྡུར་བྱ་བ་དང་། རྣམ་གྲངས་འགངས་ཆེན་འདི་ལག་བསྟར་བྱེད་ཕྱོགས་ཀྱི་སྐོར་ནས་གསུང་གླེང་གལ་ཆེན་གནང་། དེ་ནས་གཡུང་དྲུང་བོན་གྱི་བཀའ་འགྱུར་དཔེ་རྙིང་འཚོལ་བསྡུ་ཚན་ཆུང་གི་གཙོ་འགན་པ་སྣང་སྤྲུལ་ཤེས་རབ་འོད་ཟེར་རྒྱལ་མཚན་ལགས་ཀྱིས་ཐེངས་འདིའི་ཚོགས་འདུར་ཕེབས་པའི་དགེ་བཤེས་མཁན་སྤྲུལ་རྣམ་པ་ངོ་སྤྲོད་གནང་བ་དང་ཆབས་ཅིག གཡུང་དྲུང་བོན་གྱི་བཀའ་འགྱུར་ཆེན་མོའི་དཔེ་བསྡུར་མ་ཕྱི་གསུམ་སྟེ། བོན་བློན་བླ་མ་ནམ་མཁའ་བསྟན་འཛིན་གྱི་བཀའ་འགྱུར་ལས་བྱུང་བའི་དཔེ་བསྡུར་མ་ཕྱི་དང་།  ཨ་གཡུང་བཀའ་འགྱུར་ལས་བྱུང་བའི་དཔེ་བསྡུར་མ་ཕྱི། ཁྱུང་པོ་སྟེང་ཆེན་དགོན་ནས་བརྒྱུད་པའི་བཀའ་འགྱུར་གྱི་དཔེ་བསྡུར་མ་ཕྱི་བཅས་འཚོལ་བསྡུ་གནང་བའི་བརྒྱུད་རིམ་དང་། བཀའ་འགྱུར་པར་གཞི་འདི་གསུམ་གཙོ་བོ་རྒྱལ་རོང་པར་མ་དང་དཔེ་རྙིང་རིགས་ལ་གཞི་བཅོལ་ཏེ་དཔེ་བསྡུར་གནང་རྒྱུ་ཡིན་པའི་སྐོར་ནས་གསུང་གླེང་གནང་། དེ་ནས་རིམ་བཞིན་དྲུང་ཡིག་ཆེན་མོ་འགོ་བ་དགེ་བཤེས་བསྟན་འཛིན་འབྲུག་གྲགས། དྲུང་ཡིག་ཆེན་མོ་གཞོན་པ་རིན་སྤུངས་ཚུལ་བསྟན། དྲུང་ཡིག་པ་དགེ་བཤེས་བསྟན་འཛིན་རྣམ་རྒྱལ་བཅས་ཀྱིས་གཡུང་དྲུང་བོན་གྱི་བཀའ་འགྱུར་དཔེ་བསྡུར་བྱ་བའི་སྐོར་ནས་གསུང་གླེང་རྒྱས་པར་གནང་། 

གཡུང་དྲུང་བོན་མཉམ་འབྲེལ་ལྷན་ཚོགས་ཀྱི་ཚོགས་གཙོ་གཞོན་པ། གཡུང་དྲུང་བོན་གྱི་བཀའ་འགྱུར་ཆེན་མོའི་དཔེ་རྙིང་འཚོལ་བསྡུ་ཚན་ཆུང་གི་གཙོ་འགན་པ་སྣང་སྤྲུལ་ཤེས་རབ་འོད་ཟེར་རྒྱལ་མཚན་གྱིས་གསུང་གླེང་གནང་བཞིན་པ། 

 གཡུང་དྲུང་བོན་མཉམ་འབྲེལ་ལྷན་ཚོགས་ཀྱི་དྲུང་ཡིག་ཆེན་མོ་འགོ་བ་དགེ་བཤེས་བསྟན་འཛིན་འབྲུག་གྲགས་ཀྱིས་གསུང་གླེང་གནང་བཞིན་པ།

གཡུང་དྲུང་བོན་མཉམ་འབྲེལ་ལྷན་ཚོགས་ཀྱི་དྲུང་ཡིག་ཆེན་མོ་གཞོན་པ་རིན་སྤུངས་ཚུལ་བསྟན་གྱིས་གསུང་གླེང་གནང་བཞིན་པ།

གཡུང་དྲུང་བོན་མཉམ་འབྲེལ་ལྷན་ཚོགས་ཀྱི་དྲུང་ཡིག་པ། གཡུང་དྲུང་བོན་གྱི་བཀའ་འགྱུར་ཆེན་མོའི་དཔེ་རྙིང་འཚོལ་བསྡུ་ཚན་ཆུང་གི་དྲུང་ཡིག་པ་དགེ་བཤེས་བསྟན་འཛིན་རྣམ་རྒྱལ་གྱིས་གསུང་གླེང་གནང་བཞིན་པ། 

     ¡¶ཀྲུང་ཧྭའི་བཀའ་བསྟན་ཆེན་མོ་ལས་གཡུང་དྲུང་བོན་གྱི་བཀའ་འགྱུར་ཆེན་མོ¡·ནི་སི་ཁྲོན་མི་རིགས་དཔེ་སྐྲུན་ཁང་གི་རྒྱལ་ཁབ་རིམ་པའི་དཔེ་སྐྲུན་རྣམ་གྲངས་གལ་ཆེན་ཞིག་ཡིན་ལ། རྣམ་གྲངས་འདི་༢༠༢༡ལོར་དངོས་སུ་ལག་བསྟར་དོན་འཁྱོལ་བྱ་རྒྱུ་རེད། ཐེངས་འདིའི་ཚོགས་འདུའི་ཐོག་གཡུང་དྲུང་བོན་གྱི་བཀའ་འགྱུར་དཔེ་རྙིང་འཚོལ་བསྡུ་ཚན་ཆུང་དང་སི་ཁྲོན་མི་རིགས་དཔེ་སྐྲུན་ཁང་བོད་ཡིག་དཔེ་སྐྲུན་ལྟེ་གནས་གཉིས་ཀྱིས་མཉམ་འབྲེལ་སྒོས་འབྱུང་འགྱུར་དཔེ་སྐྲུན་བྱ་རྒྱུའི་གཡུང་དྲུང་བོན་གྱི་བཀའ་འགྱུར་ཆེན་མོའི་དཔེ་བསྡུར་བྱ་བའི་སྐོར་ལ་བགྲོ་གླེང་ལྷུག་པོ་གནང་སྟེ། མ་འོངས་ལས་ཀའི་བྱེད་ཕྱོགས་ལ་སྔོན་ཚུད་ནས་གྲ་སྒྲིག་ལེགས་པར་བྱས་སོ། །

དཔེ་རྙིང་འཚོལ་བསྡུའི་ཚོགས་འདུའི་ཡུལ་དངོས།

ཐེངས་འདིའི་དཔེ་རྙིང་འཚོལ་བསྡུའི་ཚོགས་འདུའི་མཉམ་པར།

སི་ཁྲོན་མི་རིགས་དཔེ་སྐྲུན་ཁང་གི་སྤྱི་ཁྱབ་འགོ་གཙོ་ཨ་སྔགས་ཚེ་རིང་བཀྲ་ཤིས་དང་གཡུང་དྲུང་བོན་གྱི་བཀའ་འགྱུར་ཆེན་མོའི་དཔེ་རྙིང་མ་དཔེ་འཚོལ་བསྡུ་ཚན་ཆུང་མཉམ་པར།